|
SubscriptionsSites I Read
|
|
|
|
| The visa stuff was finally KOed after I went to the Migration Office on Monday. The whole shitty stuff only took me TWO days, but it took me half a year to realize that you can ONLY rely on you yourself. | | |
| 資劣學生
我諗已經唔可以再用「初開學不適應」黎做藉口
(雖然講真都只係開左學一個星期...)
我覺得係我既資質問題
意大利文個個都跟得好地地
朗讀既時候鬼死咁流利
唯獨是我一日到黑都係一舊糞唔知做緊乜
同埋8點堂真係好乞人憎
西班牙文做堂上練習
大家hing hing hum hum 做做做
我同日文同學仔就係咁查查查...
查又查唔晒，做又做唔晒
仲要一堂就已經儲左近百個生字...
俾我返屋企慢慢歎
而家仲有成堆exercises 要做...
仲要present.............................
家陣連folklore 都唔掂
folklore 2 同 folklore 1 根本係兩個世界
去得極快, 完全跟唔到...我連d 步法都未練熟 (勁快!!)
佢地已經手腳並用跳跳跳跳跳, 真是o 嘴到不行
最大既問題係我轉圈真係好唔掂
folklore 1 冇咁多圈轉, 今日一堂就轉晒folklore 1 要轉既圈
我終於明白點解想當初舞王歡會由2轉1...
folklore 2 個個都係舞王...超級pro...
真係要練一練先得...
好想睡
但我要發奮
我要溫書
| | |
| 不幸中之大幸
行山遇險都算啦，行街都俾車撞會唔會有d 說不過去哩？
明明車燈係紅燈架喎，明明我係佢眼前行過架喎，佢仲要開車係咪有d 過份？
好彩佢唔係開得快，我只係俾佢輕輕撞一撞撞左落地，都冇咩事
只係右腳撞瘀左，同埋坐落地既姿勢唔係幾好，算係不幸中之大幸啦
(我同carlos 講既時候，佢以為我好似畢彼特係電影meet joe black 入面咁俾車撞
如果係既話我點會仲係度呢，一早去左見閻王啦...)
之後小肥就同我講佢有書讀了
well，可唔可以當係幫佢擋左一劫？
| | |
| 力不從心
開學幾日，「力不從心」已經表達左我所有既感受。
上堂既情況都幾惡劣，無論咩野堂都一樣，好灰。
我已經唔可以用一舊雲或一舊飯黎形容自己，根本就係一篤糞。
我可唔可以話自己未ready 上堂，我可唔可以話因為太早起身我成日load 唔到機
意大利文先生講得好快，對我黎講佢講西文或意文都冇分別，一樣聽唔明。
西班牙文十隻字有九隻字都唔識，問一d 文法原理，原來我都唔係好講得出，想死。
lit 個科未正式開始，我淨係知有好多睇同埋好多野做。但個professor 幾好，點講呢
佢有d 似王凌，即係，你會覺得，王凌老左就係咁上下樣喇。
但係同王凌完全相反，有學識，對學生要求高。
arte blah blah blah 個先生講得又係好q快，我又好眼訓，
集中唔到精神既時候更加聽唔到佢講乜。最無奈係聽唔明佢d 笑話。
但我對呢個先生既印象幾好，係一個冷面笑匠
我見大家係咁笑，但佢依然一面正經咁繼續講
而佢係第一個完全無視我呢個外國學生既老師
翻譯個科就更加唔使講...如果話我讀advanced spanish 係越兩級挑戰
(我skip 左intermediate levels...)咁我讀翻譯都唔知係越幾多級挑戰...
我以為呢個course 係for mexicans，點知係for international students...
第一個task 竟然係堂場英譯西一篇旅遊介紹，真係o 晒嘴。
其他人全部都係美國加拿大人，仲個個學左至少5年西文。
我呢個只係讀左一個半sem 既小學生唔知係度做乜。
(中大既兩個course 只能當係半個sem 既野)
edith 話，呢個course 呢你英文有60% 可能就夠，但西文要有120%
而當我英文得60% 西文可能得30% ，我都唔知我可以點
人地係mother tongue 譯做second language
我係second language 譯做third language，點譯呀
對住個篇300字既野，我呆左好耐先開始「譯」...
我努力咁將裡面既 ideas 混合我既西文寫d 野出黎，結果變左summary
當然我好明白，我篇野根本係垃圾。連基本既通順流暢都做唔到。
我同自己講，呢個係我唯一既作戰方式...灰到呢...
我唔知我應唔應該繼續試落去。朋友同我講︰撐過去就得架喇。
但我懷疑我會唔會合格。我諗我都係應該學好左西班牙文先吧。
我突然諗起小學個陣，數學老師成日講︰唔可以一步登天！
well...我一步就直插地獄了....
或者我應該放棄呢科，keep art 個科.....
又或者，我應該兩科都drop 晒佢算...
呢個sem，一開始就係度捱。唉。
「唯一的方法是鍥而不捨」
唯有努力多幾錢重 (都唔知幾多錢先夠)...
唔可以咁快就放棄!!!!! (咆哮)
同時小肥都面臨危機
又係錢作怪，真係好討厭
希望佢逢凶化吉......
| | |
| 第一日......
6.20 醒左一醒
6.30 鬧鐘響，熄左又訓過
7.05 電話響，某人知我實唔醒，打黎叫醒我
7.10 終於死起身
7.25 食完早餐
7.50 沖完涼叫完eetu 起身衝出屋
8.00 到達tec
8.05 尋找課室...第一次去aulas 4...迷路
8.10 到達課室
8.10-8.55 上意大利文...個老師9成講意大利文1成講西班牙文...聽到我一舊雲...唉我唔可以放棄!
9.05 到達另一個課室, 發現avanzado 1 轉左老師同課室...可憐既eetu 因為唔鍾意個老師而轉班, 點知轉完都係同一個老師...個老師係上個學期代過課既老師...今日佢一開口先發現佢係西班牙人...原本仲以為會跟edith, 咁搞完一輪以為唔會再見到佢啦, 點知佢同我講︰聽日見...原來佢教translation strategies...其實我都幾懷疑, 佢教translation呀...佢英文唔係幾好咋喎...不過跟佢既話, 可能我唔會drop 呢科都唔定.......
10.55 終於上完堂...成堂係度做d 低能活動...我有d 明白點解佢唔受歡迎...
好攰呀...又眼訓...
聽日仲多堂...上死我...
仲要咁早起身...
今晚要早d訓...
點解好似突然好多野做咁既....
好唔慣tim...-_-
| | |
|
